كلمة كسرت القلوب
الدنيا سكتت.
الكلمة كانت تقيلة، جارحة، ومهينة.
حسيت نفسي واقفة من غير روح.
بابا قام واقف فجأة:
— «اخرس! إنت اټجننت؟!»
قرب منه وقال بصوت كله وجع:
— «بنتي أشرف من الشرف نفسه!»
أنا كنت واقفة وراهم، دموعي بتنزل، ومش قادرة أتكلم.
أول مرة أحس إن اسمي بيتداس عليه كده.
بابا كمل:
— «فاكر إنك كنت بتموت عشان تخطبها؟ فاكر؟!»
الخطيب حاول يتكلم:
— «الناس بتقول…»
قاطعه بابا:
— «الناس تقول اللي تقوله… أنا مصدق بنتي!»
الجملة دي كانت طوق نجاة،
بس اللي جاي بعدها كان أقسى.
— «حتى لو طلع عليها كلام، هبقى متأكد مليون في المية إن كل حاجة غلط إلا بنتي!»
الخطيب سكت…
لكن الشر كان لسه.
